बालसुधार गृह तोडफोड गरी भागेका २६७ जना प्रहरी नियन्त्रणमा
प्रकाशित: सोमवार, ४ भाद्र २०८०, १८ः४० बजे
- महानगरखबर
काठमाडौं । भक्तपुरको सानोठिमीस्थित बालसुधार गृह तोडफोड गरी भागेका २६७ जनालाई प्रहरीले काठमाडौ र भक्तपुरको विभन्न स्थानबाट पक्राउ गरेको छ ।
भागेका मध्ये बाँकी ३१ जनाको खोजीकार्य भइरहेको जिल्ला प्रहरी कार्यालय भक्तपुरले जनाएको छ ।
बाल सुधार गृहमा २९८ जना बालबालिका थिए । जसमा २५५ जना बालक र ४३ जना बालिका छन । १८ वर्षभन्दा मुनिका १३१ जना र १८ वर्ष माथिका १६७ जना छन ।
आइतबार सुधारगृहमा रहेका रामेछापको मन्थली नगरपालिका–३, कठजोरका २१ वर्षीय कमल बस्नेतकोे मृत्यु भएपछि आफन्तहरू विरोधमा उत्रिएका थिए ।
प्रदर्शनकै मौका छोपेर सुधारगृहका झ्याल र पर्खाल फुटाएर उनीहरू भागेका थिए ।
Categorized in समाज
