बालगोपालेश्वर मन्दिरमा गजुर प्रतिस्थापन
काठमाडौं । रानीपोखरीको विचमा रहेको बालगोपालेश्वर मन्दिरमा गजुर प्रतिस्थापन गरिएको छ ।
बिहीबार सुनको लेपन भएको गजुर पुजा पाठ गरी प्रतिस्थापन गरिएको हो ।
२०७२ सालको भूकम्पमा क्षतिग्रस्त भएको बालगोपालेश्वर मन्दिरको पुनर्निर्माणको काम अन्तिम चरणमा पुगेको छ ।
यसअघि गुम्बज शैलीमा निर्माण गरिएको बालगोपालेश्वरको मन्दिर विज्ञहरुको प्रतिवेदन अनुसार प्रताप मल्लको पालामा बनाइको ग्रन्थकुट (शिखर) शैलीमा पुनर्निर्माण गरिएको छ ।
कुल उचाई ६ फुट १० इन्च मन्दिरको शिरमा रहेको गजुरको ताम्रपत्रमा सुनको लेपन लगाएर तयार गरिएको हो ।
राष्ट्रिय पुनर्निर्माण प्राधिकरणका सहसचिव भरतप्रसाद आर्यालका अनुसार मन्दिरमा राखिएका सबै गजुरमा करिब २८ तोला सुनको जलप लगाइएको बताए ।
मन्दिरको गजुर १ सय २३ दशमलव ७५ किलोग्राम ताम्रपत्र प्रयोग गरेर निर्माण गरिएको छ । मुख्य गजुरमा मात्रै २५.७३ तोला सुनको प्रयोग भएको छ । गजुर निर्माणमा करिब ३३ लाख रुपैयाँ खर्च भएको उनले बताए ।
Categorized in सम्पदा/संस्कृति
