काठमाडौं । बानेश्वरस्थित आन्दोलनरत शिक्षकहरुले निषेधित क्षेत्र तोड्न खोज्दा प्रहरीसँग झडप भएको छ ।
बिजुलीबजार–नयाँबानेश्वर सडक खण्डमा भेला भएर प्रदर्शनमा उत्रिएका शिक्षकहरुलाई प्रहरीले रोक्न खोज्दा झडप हुँदा १५ जना घाइते भएको बुझिएको छ ।
आन्दोलनको क्रममा घाइते भएका शिक्षकलाई उपचारको लागि सिभिल अस्पतालमा लगिएको छ । शिक्षक महासंघ महासचिव तुलाबहादुर थापाले गम्भीर घाइते भएकालाई ट्रमामा लैजान लागिएको बताए ।
प्रहरीले आन्दोलनरत शिक्षकहरुमाथि पानीको फोहोरा फालेर भिडलाई तितर वितर पारेको अवस्था छ ।
गत २० चैतदेखि शिक्षकहरूले आन्दोलन गरिरहेका छन् ।
Categorized in राष्ट्रिय
