काठमाडौं । आईतबार विहान मर्निङ वाकमा हिँडेको डाक्टर प्रभु जोशीलाई ठक्कर दिएर फरार भएका गाडीलाई प्रहरीले फेला पार्न सकेको छैन ।
बानेश्वरस्थित सिभिल अस्पतालमा कार्यरत ७२ वर्षीय डाक्टर जोशी उक्त गाडीको ठक्करबाट घट्नस्थलमै मृत्यु भएको १२ घण्टा वितिसक्दा पनि गाडीको अत्तोपत्तो छैन ।
प्रहरीले सिसिटिभी स्कान गरेर गाडीको अकार ठुलो भएको पत्ता लगाएपनि नम्बर भने नदेखिएको बताएको छ । झिसमिसे विहान भएकोले सिसिटिभी फुजेटमा स्पस्ष्ट रुपमा गाडीको नम्बर नदेखिएको प्रहरीले बताएको छ ।
उक्त गाडीले डाक्टर जोशीलाई संसद भवनको दक्षिण गेट अगाडि ठक्कर दिएको थियो । जेब्राक्रस नजिकै गाडीको ठक्करले जोशीको घटनास्थलमै मृत्यु भएको थियो।
प्रहरीका अनुसार घटना हुँदा बिहान करिब ६ बजेको समय बताईएको छ । कोटेश्वर ट्राफिकले घटनाबारे अनुसन्धान गरिरहेको जनाएको छ ।
Categorized in समाज