काठमाडौं । काठमाडौं महानगरपालिका वडा ३१ स्थित बानेश्वरको तरकारी बजार अगाडी बागमती किनारमा एक युवकको शव भेटिएको छ ।
प्रहरीका अनुसार बुधवार विहानको समयमा खोला किनारको झाडीमा मृत अवस्था भेटिएको हो ।
काठमाडौं बालाजु गोलढुंगा घर भई हाल शंखमुलमा बस्दै आएका २० बर्षिय विकास महरा भएको प्रहरीले जनाएको छ ।
प्रहरी वृत्त बानेश्वरबाट खटिएका प्रहरी अधिकृतको टोलीले शवलाई पोस्टमार्टमको लागि महाराजगंज शिक्षण अस्पताल पुुगाएको छ ।
मृत्युको कारण थप अनुसन्धानपछि थाहा हुने प्रहरीले जनाएको छ ।
Categorized in समाज
