काठमाडौं । शुक्रवारदेखि परेको अविरल बर्षाको कारण काठमाडौं उपत्यकामा आज साँझ सम्म ५२ जनाले ज्यान गुमाएको छ ।
काठमाडौं उपत्यका प्रहरी कार्यालय रानीपोखरीका अनुसार काठमाडौंमा १७ जना, ललितपुरमा ३० जना र भक्तपुरमा ५ जनाको मृत्यु भएको हो ।
बाढी पहिरोमा परि घाइते हुनेहरुमा काठमाडौंमा १८ जना, ललितपुरमा १० जना र भक्तपुरमा ३ जना छन । बेपत्ता हुनेहरुमा काठमाडौंबाट दुई जना र ललितपुरबाट ७ जना रहेको कार्यालयले जनाएको छ ।
अहिलेसम्म काठमाडौंका एक हजार ४४२ जना, ललितपुरका ६५७ र भक्तपुरका ५६ जना गरी २१५५ जनाको उद्धार भएको छ ।
Categorized in राष्ट्रिय
