काठमाडौं । सात्ता साझेदारको बैठकमा बागमती प्रदेशमा नेकपा एमाले र माओवादी केन्द्रले आलोपालो गरी मुख्यमन्त्री लिने सहमति भएको छ ।
आईतवार वसेको बैठकको सहमति अनुसार बागमतीमा पहिलो कार्यकाल माओवादीले मुख्यमन्त्री लिने र दोस्रो कार्यकाल एमालेलाई छाड्ने समझदारी हुनेछ ।
यस्तै सुदूरपश्चिममा पहिलो कार्यकाल एमालेबाट मुख्यमन्त्री बनाउनेबारे छलफल भएको छ । यस प्रदेशमा पनि एमाले र माओवादीले आलोपालो मुख्यमन्त्री लिने सहमति भएको छ ।
अन्य प्रदेशको हकमा प्रदेश नम्बर १ मा नेकपा एमालेका सांसद हिक्मत कार्की आइतबार मुख्यमन्त्री नियुक्त भइसकेका छन ।
एमालेले अब गण्डकी र लुम्बिनी प्रदेशको मुख्यमन्त्री लिने सहमति भएको छ । यी ठाउँमा एमालेले पाँचै वर्ष मुख्यमन्त्री लिनेछ ।
मधेस प्रदेशको मुख्यमन्त्री पनि आलोपालो गर्ने सहमति छ । पहिलो कार्यकाल जसपाले लिने र दोस्रोमा जनमत पार्टीलाई दिनेबारे छलफल भएको छ ।
तर बागमती प्रदेशको सभामुख पद राप्रपालाई दिने तयारी छ । राप्रपाले यहाँ मुख्यमन्त्री दाबी गर्दै आएको थियो ।
बैठकको निर्णय भने औपचारिक रुपमा सार्वजनिक गर्न बाँकी रहेको छ ।
Categorized in राष्ट्रिय
