काठमाडौं । बागमति प्रदेशमा अब ७० अंक ल्याउनलाई चालक अनुमति पत्र (लाईसेन्स) दिने प्रणाली सुरु भएको छ ।
बाग्मती प्रदेशका श्रम तथा यातायात मन्त्री एकालाल श्रेष्ठले मंगलवार एक कार्यक्रमविच अंकभारमा आधारित परीक्षा प्रणालीको सुरुवात गरेका हुन ।
नयाँ निर्देशिकाअनुसार ट्रायलका विभिन्न चरणलाई फरक–फरक अंकभार दिइएको छ र ७० अंक ल्याएमा लाइसेन्स लिन योग्य हुनेछ । पुरानो प्रणालीमा सबै परिक्षा अनिवार्य पास हुनु पर्ने प्रावधान रहेको थियो ।
नयाँ व्यवस्था अनुसार लिखित परीक्षामा ६० अंक ल्याउनुपर्ने हुन्छ भने ट्रायलमा भने ७० अंक ल्याउनुपर्नेछ ।
यातायात व्यवस्था विभागले १ जेठ २०७८ बाट लागु हुने गरी अंकभारमा आधारित लाइसेन्स परीक्षा प्रणाली सम्बन्धी निर्देशिका जारी गरेको थियो ।
Categorized in स्थानिय
