बागमति प्रदेशको मुख्यमन्त्रीमा बज्राचार्यको दाबी
काठमाडौं । बागमती प्रदेशको मुख्यमन्त्री हाम्रो पार्टी नेपालका संसदीय दलका नेता शैलेन्द्रमान बज्राचार्यले दाबी गरेका छन ।
२ सांसद रहेको सो पार्टीको बैठकले आइतबार बागमती प्रदेश सरकारबारे निर्णय गर्न हो ।
सांसद बज्राचार्यले संघीयता रक्षाको मुख्य जिम्मेवारी पाएका दलहरूकै नेतृत्वबाट संघीयता कमजोर भएको बताउँदै आफूले नेतृत्वमा दावी गर्नु परेको बताए ।
विभिन्न समयमा आफूले समर्थन गर्दै आएको तर सधै अवमूल्यन मात्र भएको र अब आफूहरुनै सरकारको नेतृत्वको दावी गर्ने निष्कर्षमा पुगेको उनले भने ।
बागमति प्रदेशमा सरकार बनाउन ५६ सांसद आवश्यक पर्दछ । हाल ११० सांसद रहेको छन । एमालेका २७, माओवादी केन्द्रका २१ र नेकपा एसका ७ गरी नयाँ गठबन्धनका ५५ सांसद छन ।
यस अघि हाम्रो पार्टी नेपाले शालिकराम जम्कट्टेल नेतृत्वको सरकारलाई समर्थन दिइराखेको थियो ।
सरकार बनाउन उक्त पार्टी निर्णायक रहेको छ । यस पार्टीका अर्का सांसद सरिता खड्गी छिन ।
Categorized in राष्ट्रिय
