काठमाडौं । बागबजारको काठमाडौं मोडेल कलेजमा एक बिद्यार्थी मृत भेटिएका छन ।
महानगरीय प्रहरी परिसर टेकुका अनुसार कलेजको कक्षा ११ मा पढ्ने १८ वर्षीय शुशील शहनी बाथरुममा मृत अवस्थामा भेटिएको हो ।
मृतकको परिवार काठमाडौं अएर पोष्टमार्डमको लागि जाहेरी दिएपछि शव उठाउने प्रहरीले बताएका छन । शहनी धेरै बेरसम्म बाथरुमबाट ननिस्किएपछि ढोका फुटाएर हेर्दा उनी मृत भेटिएको भनिएको छ ।
कलेजका विद्यार्थीहरुले शहनीको मृत्यु कलेज व्यवस्थापनको लापरवाही भएको भन्दै विहान देखिनै विरोध प्रदर्शनमा उत्रेको थियो । उनीहरुले शहनीले न्याय पाउनु पर्दछ भन्दै नारावाजी समेत गरेको थियो ।
विद्यार्थीहरु आन्दोलनमा उत्रेपछि कलेज परिसरमा प्रहरी आएर नियन्त्रणमा लिएको थियो ।
Categorized in समाज
