काठमाडौं । विश्व सम्पदा क्षेत्र बसन्तपुरमा सवारी साधनहरुलाई प्रवेश निषेध गरिएको छ ।
सम्पदा क्षेत्रमा कुनै पनि किसिमको सवारी साधान चाहे भिआईपीको नाममा होस वा भिभिआईपी सबै किसिमको सवारी प्रवेशमा रोक लगाएको हो ।
काठमाडौं महानगरपालिकाको सम्पदा सल्लाहाकारमा नियुक्त भएका तथा सम्पदा अभियान्ता यादवलाल कायस्थका अनुसार काठमाडौं महानगरपालिकाले बसन्तपुर र हनुमानढोका सम्पदा क्षेत्रमा कुनै पनि सावारी साधान निषेध गरेको छ ।
हनुमानढोकामा रहेका पुरातत्व हेरचाह अड्डा, नेपाल प्रहरी, नेपाली सेना र अन्य सरोकारवाला निकायको सवारीसाधनको प्रवेशमा पनि रोक लगाइने उनले बताए ।
विश्व सम्पदा सबैका लागि, विश्व सम्पदा सधैंका लागि भन्ने नारासहित आफूहरू अगाडि बढेको कायस्थको भनाई छ ।
बसन्तपुर प्रवेश गर्न खोजेको भिआईपी गाडीहरु रोकेको भिडियोमा पनि कायस्थले नियम कानुन सबैको लागि भन्दै सम्पदा क्षेत्रमा सावरी प्रवेश निषेधलाई कडाईका साथ लागु गर्ने बताएका छन ।
Categorized in सम्पदा/संस्कृति