काठमाडौं । काठमाडौं महानगरपालिकाले बसन्तपुरस्थित काठमाडौं वारुणयन्त्रको उत्तरतर्फको भवन र तलेजु मन्दिरको निकटको भवनमा रहेको पसलहरु हटाउने भएको छ ।
महानगरपालिकाको सम्पदा तथा पर्यटन विभागले फागुन १४ गते पुरातत्व विभागलाई एक पत्र लेखि ७ दिन भित्र सो क्षेत्रका अनाधिकृत व्यापार व्यवसाहरु हटाउन भनि पत्रचार गरेको छ ।
पत्रमा भनिएको छ‘ तोकिएको मितिमा पसलहरु नहटाए महानगरपालिकाले आफै हटाउने समेतको व्यहोरा उक्त पत्रमा लेखिएको छ ।’
‘स्थानीय सरकार संचालन ऐन, २०७४, काठमाडौं महानगरपालिकाको भवन निर्माण मापदण्ड। २०७५ र प्राचिन स्मारक संरक्षण ऐन, २०१३ समेतका कानुनी व्यवस्था बमोजिम अनाधिकृत व्यापार व्यवसाय प्रयोग हटाउन यस कार्यलयको प्राथमिक योजना भित्र पर्दछ’ पत्रमा उल्लेख छ ।
महानगरपालिका यस किसिमको अनाधिकृत व्यापरिक प्रयोजनहरु हटाउन अभियानमा महानगरपालिका लागेको समेत बताईएको छ ।
Categorized in सम्पदा/संस्कृति
