काठमाडौं । हिजो विमानस्थलबाट बरामद बरामद गरिएको सुनसहित ब्रेक शुको तौल १५५ केजी रहेको पाइएको छ।
बुधवार टक्सार महाखामा गरिएको तौलचाँजमा सो परिमाणमा रहेको महाशाखा प्रमुख थानेश्वर आचार्यले बताए । बरामद गरिएको सुन ८ वटा पोकामा रखिएको छ ।
यता त्रिभुवन विमानस्थल भन्सार कार्यालयबाट जाँचपास भएर छुटेको सुन बरामद भए पनि थप सुन हुनसक्ने भन्दै अपरेशन जारी राखिएको छ ।
थप सुन लुकाएर राखेको हुनसक्ने आशंकामा काठमाडौंका विभिन्न ठाउँमा खोजी भइरहेको बुझिएको छ ।
मंगलबार हङकङबाट क्याथे प्यासिफिकको जहाजमा आएको सो सुन स्कुटर र बाईकको ब्रेक शुमा लुकाइएर ल्याएको थियो ।
विमानस्थलामा रहेको १३ वटा प्याकेजको चेक जाँच गर्न बाँकी रहेको अधिकारीहरुले बताएका छन ।
यस प्रकरणमा प्रहरील ६ जना पक्राउ परेका छन । पक्राउ पर्नेहरुमा दोलखा घर हुने रामकुमार भुजेल, दिलिप भुजेल, भोजपुरका हर्कराज राई, भारतीय नागरिक थाप्तेन छिरिङ पक्राउ परेका छन ।
एजेन्ट राजन राई र ट्याक्सी ड्राइभर अशोक लामा पनि पक्राउ परेका हुन । बा २ च २३२४ नम्बरको ट्याक्सी पनि विभागले बरामद गरेको छ। उक्त ट्याक्सीबाट नै सुन लग्ने तयारी भएको थियो ।
यस घटनामा त्रिभुवन अन्तर्राष्ट्रिय विमानस्थलको भन्सार जाँच पास कसरी भएर निस्कियो भन्नेबारे छानबिन गर्न भन्सार विभाग अनुसन्धान शाखाका निर्देशक मानबहादुर पौडेलको नेतृत्वमा समिति गठन भएको छ ।
* यसअघि अन्यथा पर्न गएकोमा सच्याइएको छ।
Categorized in बजार
