काठमाडौं । काभ्रेको बनेपामा विहिवार बसका एक सहचालकमाथि सिरिन्ज आक्रमण भएको छ ।
बनेपाको पुल बजारमा बेलुका काठमाडौँबाट आएको बा ४ ख २१३९ नम्बरको बसको सहचालकमाथि सिरिन्ज आक्रमण भएको हो ।
गाडीमा आएका यात्रुहरु झर्ने बेलामा उनीमाथि आक्रमण भएको बताइएको छ । सहचालकका अनुसार सेतो सर्ट लाएका पुरूष यात्रुले उनको कुहिनो नजिक तिखो बस्तु घोपेका थिए ।
सो घट्नापछि बसका चालक र पिडीत सहचालक उजुरी दर्ता गर्न इलाका प्रहरी कार्यलय पुगेका थिए ।
यस पनि बनेपा नगरपालिका– ८ करुणा मार्गमा ठमेल घर भई बनेपामा बस्दै आएकी ३४ बर्षीय महिला माथि पनि सिरिन्ज आक्रमण भएको थियो ।
आक्रमणपछि महिला टेकुको शुक्रराज ट्रिपिकल हस्पिटलमा उपचार गर्न आएका थिए ।
उपत्यकामा सिरिन्ज आक्रमणको त्रास फैलाएको अभियोगमा पक्राउ परेका रामेछापका सन्तोष कार्कीले सिरिन्ज होइन ढलान काँटी प्रयोग गरेर युवतीहरुलाई घोचेका बयान दिएको छ ।
Categorized in समाज
