काठमाडौँ । काठमाडौंकी फ्लाविया महर्जनले ‘मिस इको इन्टरनेसनल नेपाल २०२४’को उपाधि जितेकी छिन ।
उपाधि गत बर्षकी बिजेता रक्षा उप्रेतीले महर्जनलाई ताज लगाइदिएकी थिइन । उपाधि जितेपछि बोल्दै महर्जनले यो ब्युटी पेजेन्ट आफ्ना लागि राम्रो अवसर भएको बताइन ।
२१ बर्षिया सुन्दरीले इजिप्टमा आयोजना हुने मिस इको इन्टरनेसनलको अन्तर्राष्ट्रिय सौन्दर्य प्रतियोगितामा मुलुकको प्रतिनिधित्व गर्नेछिन ।
महर्जनले नेपालका संस्कृति र पर्यटनलाई अन्तर्राष्ट्रियस्तरमा प्रचारप्रसार गर्ने बताइन ।
आयोजक ग्रीन आर्टस मिडियाका कार्यकारी अधिकृत प्रवीण लाकौलले महर्जनले ‘मिस इको इन्टरनेशनल’मा नेपालको नाम राखेर फर्किने आशा व्यक्त गरे ।
आगामी फेब्रुअरीमा आयोजना हुने प्रतिस्पर्धामा ६० भन्दा बढी मुलुकका सुन्दरीको सहभागिता हुनेछ ।
Categorized in सौन्दर्य