काठमाडौं । काठमाडौं महानगरपालिका प्रमुख बालेन्द्र शाह –बालेन)ले हिजो बञ्चरेडाडामा भएको फोहोर गाडी तोडफोडबारे प्रतिक्रिया दिएका छन ।
उनले यो घट्ना फोहोर व्यवस्थापन गर्न नदिने चलखेल भएको बताएका छन ।
‘यसै क्रममा हिजो राती फोहोर व्यवस्थापनमा प्रयोग हुने साधनहरुको तोडफोड भएको छ । फोहोर व्यवस्थापनलाई निष्कर्षमा पुग्न नदिन गरिएको पछिल्लो चलखेलका रुपमा हामीले यसलाई लिएका छौँ ।’ उनले भने,‘ कानुनीरुपमा पनि फोहोर बोक्ने साधनहरुको तोडफोड जघन्य अपराध हो । कानुन बमोजिम अपराधीहरुलाई कडा भन्दा कडा कारबाही हुनै पर्छ भन्नेमा महानगर स्पष्ट छ । तोडफोड गर्नेहरुबाट नै यसको भरपाइ तथा क्षतिपूर्ति गराउनु पर्छ ।’
उनले केहि व्यक्ति वा समूहको स्वार्थपूर्तिका लागि लाखौँ नागरिक तथा २१ वटा पालिकाहरुको फोहोरलाई अव्यवस्थित र असरल्ल पार्न नसकिने बताएका छन ।
विभिन्न बहानामा फोहोर व्यवस्थापनमा अबरोध गर्ने प्रयास कसैले पनि गर्न नहुने प्रमुख शाहले बताएका छन ।
बञ्चरेडाँडामा राखिएको फोहोरको गाडी तोडफोड भएको हो । सोमबार राति बञ्चरेडाँडामा राखिएको फोहोरको गाडी र डोजर केही व्यक्तिले तोडफोड गरेको छ ।
काठमाडौं महानगरपालिका नगर प्रहरी बलका प्रहरी नायब उपरीक्षक पूर्णचन्द्र भट्टका अनुसार सिसडोल(बञ्चरेडाँडा सडकखण्डको आलेटार भन्ने ठाउँमा राखिएको फोहोरको गाडी तोडफोड भएको हो। जम्मा १७ वटा गाडी तोडफोड छ ।
तस्वीरहरुः बालेन शाह/फेसबुक
Categorized in स्थानिय
