फोहोर व्यवस्थापनको संयोजन सहरी मन्त्रालयले गर्ने
काठमाडौं । फोहोर व्यवस्थापनको जिम्मेवारी सहरी विकास मन्त्रालयललाई दिने तयारी गरिएको छ ।
फोहोर व्यवस्थापनमा पछिल्लो समय संघीय, प्रदेश र स्थानीय सरकारको तालमेल नमिलेपछि मन्त्रालयलाई फोहोर व्यवस्थापनको जिम्मेवारी र संयोजन गर्ने व्यवस्था गर्न लागिएको हो ।
प्रधानमन्त्री पुुष्पकमल दाहालले यस प्रस्तावलाई मन्त्रिपरिषदमा लगेर छलफल गर्ने भएको छ ।
काठमाडौं उपत्यकाको फोहोर व्यवस्थापनलाई प्रभावकारी बनाउने सम्बन्धमा सरोकारवाला निकाय र पक्षका प्रतिनिधिहरूसँग प्रधानमन्त्रीको भेटघाट र छलफलको छ ।
प्रधानमन्त्रीले फोहोर व्यवस्थापन संघीय, प्रादेशिक र स्थानीय सरकारको साझा दायित्व भएकोमा जोड दिँदै फोहोरको दीर्घकालीन व्यवस्थापनका निम्ति गठन आदेशसहितको कानुनी व्यवस्था र दीर्घकालीन संयन्त्र निर्माण गरिने बताए ।
काठमाडौंको फोहोर बञ्चरेडाँडामा विसर्जन हुँदै आएकोमा आगामी असोज १ गतेदेखि फोहोर फाल्न नदिने चेतावनी दिएको छ ।
सो विषयमा गत शनिवार नुवाकोटका सांसद र बञ्चरेडाँडाका जनप्रतिनिधिहरुको टोलीले फोहोर फोहोर व्यवस्थापन, स्थानीय प्रभावित जनताले उठाएका मागहरू, डम्पिङ साइडका लागि जग्गा खरिद लगायतका विषयमा कुराकानी भएको थियो ।
Categorized in स्थानिय
