फोहोर गरेको भन्दै राप्रपालाई महानगरले तोक्यो जरिवाना
प्रकाशित: शुक्रवार, ७ बैशाख २०८१, २०ः३० बजे
- महानगरखवर
काठमाडौँ । काठमाडौं महानगरपालिकाले राष्ट्रिय प्रजातन्त्र पार्टीले आन्दोलनको क्रममा फोहोर गरेको भन्दै जरिवाना तोकेको छ ।
महानगरले राप्रपालाई ५ हजार २२२ रुपैयाँ ८१ पैसा जरिवाना वैङ्क दाखिला गर्न पत्र पठाएको छ ।
स्थानीय सरकार सञ्चालन ऐन २०७४ को दफा ९७ बमोजिम ट्राफिक आइल्याण्डमा पुगेको क्षतिको मर्मत गर्न २२२ रुपैयाँ ८१ पैसा र आन्दोलनका क्रममा जताततै फोहर गरेकोले फोहरमैला व्यवस्थापन ऐन २०६८ को दफा ३९ (१) बमोजिम ५ हजार रुपैयाँ जरिवाना तोकी पत्र पठाएको हो ।
राप्रपाले गत चैत २७ गते काठमाडौंमा संघीय गणतन्त्रको खारेजी माग गर्दै बृहत प्रदर्शन गरेको थियो ।
Categorized in स्थानिय
