काठमाडौं । सामाजिक सञ्जाल फेसबुकले आफूले प्रयोग गर्ने समाचारका लागि पैसा तिर्ने भएको छ ।
आउने तीन वर्षमा फेसबुकले आफूले प्रयोग गर्ने समाचारका लागि १ अर्ब डलर खर्च गर्ने जनाएको छ । फेसबुकले उक्त रकम समाचार प्रयोग गरेबापत विभिन्न देशका मिडिया हाउसहरूलाई दिनेछ ।
अष्ट्रेलिया सरकारसँग फेसबुकले समाचार राखेबापत पैसा तिर्नुपर्ने कानुन बनाउन लागेको नियममा सहमति गरेपछि फेसबुकले यस्तो निर्णय गरेको हो ।
फेसबुकले यसअघि नै फाइनान्सियल टाइम्स, द गार्डियनलगायतका मिडिया हाउसका समाचार प्रयोग गरेबापत पैसा तिर्दै आएको छ ।
अष्ट्रेलियाको सिनेटमा विचाराधीन नयाँ कानुनमा फेसबुक र गुगललगायत संस्थाले कुनै समाचार आफ्नो प्लेटफर्ममा राखेबापत् मिडिया हाउसलाई पैसा दिनुपर्ने र विज्ञापनको आम्दानी पनि बाँड्नु पर्ने प्रावधान छ ।
यस अघि अष्ट्रेलियामा फेसबुकले न्यूज फिडमा समाचार कन्टेन्टहरुमा प्रतिवबन्ध लगाएको थियो । अहिले भएको सहमितपछि न्यूज सेयरको सुविधा फेरी सुरु गरेको छ ।
Categorized in प्रबिधि