फेसबुकमा गलत सुचना भेटिए लगत्तै हट्नेः आयोग
काठमाडौं । निर्वाचन आयोगल निर्वाचन आचारसंहिता कार्यान्वयन कडाई गर्ने भएको छ ।
सामाजिक सञ्जालमा यसपटकदेखि निर्वाचनले निगरानी बढाएकोले फेसबुकमा निर्वाचन सम्बन्धी कुनै गलत सुचना पोष्ट भए तत्काल हट्ने आयोगले जनाएको छ ।
चुनावी प्रचारप्रसार तथा गलत सूचना, अभिव्यक्तिलाई नियमन गर्न आयोगले फेसबुकको माउ कम्पनी मेटासँग सम्झौता गरेको हो ।
मंसिर ४ गते हुने प्रदेश तथा प्रतिनिधि सभाको चुनावका लागि सामाजिक सञ्जाल नियमन गर्न आयोगको यो पहिलो अभ्यास हो ।
सामाजिक सञ्जाल फेसबुक, इन्स्टाग्रामलगायत मातृसंस्था मेटासँग आयोगले गत मंगलबार चुनावकेन्द्रित सम्झौता गरेको थियो ।
निर्वाचन आयुक्त रामप्रसाद भण्डारीले यदि समाजिक सञ्जालमा यदि भ्रमपूर्ण विषय राखेर उम्मेदवारको प्रचारप्रसार वा खिसिट्युरी गर्ने काम भएमा तत्कालै हटाउन सक्ने सम्झौता भएको जानकारी दिए ।
Categorized in मनोरन्जन
