काठमाडौं । काठमाडौंका फुटपाथ व्यवसायीहरुले काठमाडौं महानगरपालिकाविरुद्ध प्रदर्शन गरेका छन ।
आइतवार पूर्व घोषित अन्दोलन अनुसार उनीहरुले महानगरविरुद्ध सकड प्रदर्शन गरेका हुन ।
उनीहरुले काठमाडौ महानगरपालिकाको कार्यालय घेराउ गर्दै प्रदर्शन गरेका हुन ।
यस अघि राष्ट्रिय स्वोरोजगार व्यवसायी संघ, नेपाल सडक व्यापार व्यवसायी संघ र फुटपाथ व्यापारीहरुले संयुक्त रूपमा चरणबद्ध आन्दोलनको घोषणा गरेका थिए ।
प्रदर्शनको क्रममा एक व्यवसायीले महानगरपालिकाले वार्ताको नाममा नाटक बाहेक अरु केही नगरेकोमा आक्रोश व्यक्त गरेका थिए ।
महानगरपालिकाले फुटपाथ व्यवसायीहरुका माग सम्बोधन गर्नुपर्ने प्रदर्शनका सहभागीहरुको माग छ ।
यस अघि अभियान्ता ईं सँग भएको सहमति अनुसार महानगरपालिकाले काम नगरेको पनि उनहरुको आरोप छ ।
Categorized in स्थानिय