फुटपाथ र ठेला व्यापार प्रतिबन्ध गराउन सिडियोलाई उपप्रमुख खड्गीको माग
काठमाडौं । काठमाडौं महानगरपालिका उपप्रमुख हरिप्रभा खड्गीश्रेष्ठले फुटपाथ र ठेला व्यापार पूर्ण रुपमा प्रतिबन्ध लगाउन माग गरेकी छिन ।
शुक्रवार काठमाडौंका प्रमुख जिल्ला अघिकार जनकराज दाहाललाई भेटी ‘फुटपाथ र ठेलागाडा व्यापार’वाक्यांश हटाएर पुनः आदेश जारी गर्न ध्यानकर्षण गराएकी हुन ।
जिल्ला प्रशासन कार्यालय काठमाडौंले भदौ २४ गते जारी गरेको आदेशको, सञ्चालन गर्न सकिने क्रियाकलापअन्तर्गत बुँदा १० मा ‘फुटपाथ पसल, ठेला व्यापार, स्टेशनरी पसलहरु, इलेक्ट्रिक र इलेक्टोनिक्स पसलहरु र डिपार्टमेन्टल स्टोरहरु बिहान ११ बजेसम्म र बेलुकी ४ बजेदेखि ७ बजेसम्म खोल्न सकिनेछ ।’ भनिएको छ ।
उक्त बुँदामा उल्लेख भएका व्यवसायमध्ये ‘फुटपाथ र ठेला व्यापार’ लाई पूर्ण प्रतिबन्ध लगाउने गरी पुनः आदेश जारी गर्न ध्यानाकर्षण गराएकी हुन ।
उपप्रमुख खड्गीश्रेष्ठले महानगरले बार्षिक नीति र कार्यक्रमबाट नै फुटपाथ पसल हटाउने निर्णय सन्दर्भमा अहिलेको आदेश महानगरको यो नीति बिपरीत भएको प्रमुख जिल्ला अधिकारी दाहाललाई वताएकी थिईन ।
यदि फुटपाथ पसल र ठेला व्यापार खोल्ने हो भने महामारी नियन्त्रणबाहिर जान्छ । यस ठाउँमा स्वास्थ्य सुरक्षा उपाय अबलम्बन गर्ने कम मात्र सम्भावना हुने, अनुगमन गर्न कठिन हुने र कन्ट्याक्ट ट्रेसिङ्ग जटिल हुने भएकोले आदेश सच्याएर पुनः आदेश जारी गर्न ध्यानाकर्षण गराएकी हुँ ।’ उप्रमुख खड्गीले भनिन ।
ध्यानाकर्षण पत्र बुझिसकेपछि प्रमुख जिल्ला अधिकारी दाहालले यो आदेश सहरी सौन्दर्य र व्यवस्थापनमा प्रतिकुल गराउने उद्देश्यले जारी गरिएको तर महामारीका समयमा यस पेशामा बसेर काम गर्ने मानिसहरुलाई परेको समस्या खुकुलो बनाउन खोजिएको बताए ।
यस विषयमा जिल्ला कोभिड संकट व्यवस्थापन केन्द्रको बैठकमा यस सम्बन्धि छलफल गरेर निर्णयमा पुग्ने दाहालको भनाई छ ।
Categorized in समाज
