काठमाडौं । फिल्म निर्माता माधव वाग्लेसहित ६ जनालाई प्रहरीले काठमाडौं जिल्ला अदालतमा नक्कली नोट कारोकारको विषयमा मुद्दा दायर गरेको छ ।
गत जेठ २ गते २ करोड ६० लाख नक्कली नोटसहित पक्राउ गरेपछि निर्माता वाग्ले फिल्म सुटिंगको लागि छापेको बहाना गरेपनि प्रहरीले सो कुरालाई अस्वीकार गरेको छ । प्रहरीले ३ साता लामो अनुसन्धानपछि सो मुद्दा दायर गरेको जनाएको छ ।
प्रहरीले निर्माता वाग्लेको कोठामा १ हजार दरका २ करोड ५२ लाख रुपैयाँ प्रहरीले फेला पारेको थियो ।
काठमाडौँ महानगरपालिका – २६ मित्रनगरस्थित सुमधुर क्याफे तथा खाजाघरमा बिल दर्ता महेन्द्र बोगटील ेदिएको नक्कली नोटले यो काण्डको पर्दाफास भएको थियो ।
उनीहरुबाट भेटिएको नोट नेपाल राष्ट्र बैंकले नक्कली भएको पुष्टि गर्दै प्रहरीलाई अनुसन्धान गर्न निर्देशन दिएको थियो ।
Categorized in मनोरन्जन
