काठमाडौं । अमेरिक सरकारको अनुदानमा फाईजर खोप सोमवार काठमाडौं आईपुगेको छ ।
टेकुस्थित केन्द्रिय खोप भण्डारमा अनुदान प्राप्त एक लाख ६२० डोज फाइजर खोप भण्डारण गरिएको छ । सरकारले कात्तिक २८ गतेदेखि सार्वसाधारणलाई लगाउने तयारी गरेको छ ।
स्वास्थ्य सेवा विभागको खोप महाशाखा प्रमुख सागर दाहालका अनुसार मधुमेह दिवसको अवसर पारी कात्तिक २८ गतेदेखि खोप लगाउने तयारी गरिएको खोप १२ बर्षमाथिका दीर्घ रोगीहरुलाई लगाईने भएको छ ।
नेपालमा हाल प्रयोग भइरहेका एस्ट्राजेनेका, भेरोसेल, कोभिशिल्ड र जोनसन एण्ड जोनसन खोपभन्दा यो खोप फरक किसिमको भएकाले सोमबार नै टेकुस्थित केन्द्रीय खोप भण्डारणमा राखिएको छ ।
खोप महाशाखा प्रमुख दाहालका अनुसार विशेषज्ञ सेवा दिने देशभरका २४ वटा अस्पतालबाट खोप कार्यक्रम सञ्चालन हुनेछन । जसमध्ये काठमाडौं उपत्यकाभित्र ९ वटा अस्पताल र बाँकी १५ वटा अस्पताल सबै प्रदेश समिटिने गरी तोकिने छन ।
Categorized in स्वास्थ्य