काठमाडौं । जिल्ला अदालत ललितपुरले कैद र जरिवाना सुनाएका एक फरार अभियुक्त पक्राउ परेको छ ।
महानगरीय प्रहरी परिसर ललितपुरले चार वर्र्षदेखि फरार अभियुक्त महानगरपालिका –२२ फर्सिडोल बस्ने ४० वर्षीय दुर्लभ शाक्यलाई सोही स्थानबाट सोमबार पक्राउ गरेको हो ।
प्रहरी निरीक्षक खुमलाल भुुसाल नेतृत्वको टोलीले शाक्यलाई पक्राउ गरी कर्वाही अघि बढाएको हो ।
जिल्ला अदालत ललितपुरले विसं २०७१ चैतमा कुटपिट अङ्गभङ्ग मुद्दामा शाक्यलाई अदालतले सात वर्ष ११ महीना पाँच दिन कैद सुनाएको परिसरका प्रवक्ता प्रहरी उपरीक्षक शेखर खनालले जानकारी दिए ।
गतसाता मात्रै परिसरले ठगी तथा जालसाजी मुद्दामा दुई वर्ष पहिले अदालतले कैद तथा जरिवाना सुनाएको ललितपुर महानगरपालिका–१३ का राज महर्जनलाई पक्राउ गरेको थियो ।
Categorized in समाज
