काठमाडौं । पूर्व प्रधानमन्त्री तथा नयाँ शक्ति पार्टीका संयोजक डा. बाबुराम भट्टराईले प्रधानमन्त्री केपी शर्मा ओली संघीयताको पक्षमा नरहेको आरोप लगाएका छन ।
मगर राष्ट्रिय परिषदको संघीय भेलाको शनिबार बुटवलमा भएको कार्यक्रमलाई सम्बोधन गर्ने कार्यक्रममा डा. भट्टराईले सो कुरा बताएका हुन ।
भट्टराई प्रधानमन्त्री ओलीसंगै कांग्रेसका केही नेताहरुले आफूसँग भएको भेटमा संघीयता नमानेको भनाई राखेका थिए ।
उनले पहिचानका आधारमा प्रदेशको सिमांकनका लागि सशक्त आन्दोलन आवश्यक रहेको तर्क प्रस्तुत गरेका थिए ।
तत्कालीन कांग्रेस र एमालेसँगै माओवादीले पनि मगर, थारु र गुरुङहरुको पहिचान मेटाउने गरी प्रदेशहरुको सिमांकनमा सहमति जनाएपनि आफूलाई माओवादीप्रति वितृष्णा जागेको उनले बताए ।
उनले आदिवासी जनजाति, दलित, महिलाका अधिकार र भ्रष्टाचारको विरुद्ध फेरि एकपटक सशक्त आन्दोलन उठ्ने दावी गरे ।
Categorized in राष्ट्रिय
