काठमाडौं । प्रधानमन्त्री केपी शर्मा ओलीले बुधवार गणतन्त्र दिवशको अवसरमा तत्काल समस्या समाधान कक्ष (एक्सन रुम) को शुभारम्भ गरेका छन ।
प्रधानमन्त्री केपी शर्मा ओलीले सात प्रदेशका मुख्यमन्त्री एवं मन्त्रीसँग भिडियो संवाद गरी शुरुआत गरेको कार्यालयका उपसचिव विष्णुप्रसाद घिमिरेले जानकारी दिए ।
भिडियो संवादमा प्रम ओलीले गणतन्त्र दिवसको शुभकामना दिनुका साथै आजै सार्वजनिक हुने आगामी आर्थिक वर्षको बजेटका बारेमा कुराकानी गरेका थिए ।
पहिलो चरणमा मेलम्ची, माथिल्लो तामाकोशी, पोखरा र भैरहवा अन्तर्राष्ट्रिय विमानस्थल, सिक्टा, भेरी बबईलगायत सिँचाइ आयोजनाको अनुगमन गरिनेछ । कक्षमा पूर्ण हाइडेफिनेसन गुणस्तरसहितको ७० इञ्चको ‘डिस्प्ले’, ‘स्पीकर ट्रयाकिङ’, ‘अटोफोकस’सहितको उपकरण जडान गरिएको छ ।
Categorized in राष्ट्रिय
