काठमाडौं । प्रधानमन्त्री पुष्पकमल दाहाल ‘प्रचण्ड’ ले सचिवालयबाट १३ जनालाई हटाएका छन ।
प्रधानमन्त्रीको सचिवालयका अनुसार उनीहरुलाई माघ १ गतेदेखि लागू हुने गरी हटाइएको हो ।
प्रधानमन्त्रीको सचिवालयले स्वकीय सहसचिव रहेका नारायणप्रसाद ढुंगाना, स्वकीय उपसचिव रमेशप्रसाद गुरागाईं, स्वकीय उपसचिव ओमकुमारी पौडेल, स्वकीय उपसचिवकै भूमिकामा रहेकी सावित्रीकुमारी अधिकार लाई बिदा गरेको हो ।
त्यसैगरी, स्वकीय उपसचिव कलबहादुर नाथ, स्वकीय शाखा अधिकृत लाले कुमल, प्रशासन सहायक युवराज शाह पनि हटाइएका छन ।
प्रशासन सहायक रामलाल पराजुली, कम्प्युटर सहायक बासुदेव शर्मा कम्प्युटर सहायक, कम्प्युटर सहयोगी खड्क योगी, कार्यलय सहायक अविनाश वाइवा, हलुका सवारी चालकद्वय रमेशप्रसाद घिमिरे पवित्रबहादुर शाहीलाई पनि बिदा गरिएको छ ।
प्रधानमन्त्री प्रचण्डले मन्त्रिपरिषद् कार्यालयमा रहेका कर्मचारी कटौती गर्नेसँगै सचिवालय पनि सानो आकारको बनाउने बताएका थिए ।
Categorized in राष्ट्रिय