काठमाडौं । प्रधानमन्त्री पुष्पकमल दाहाल ‘प्रचण्ड’ ले तेस्रो पटक विश्वासको मत पाएका छन ।
बधवार प्रतिनिधि सभामा प्रस्तुत गरेको विश्वासको मत सम्बन्धी प्रस्तावको पक्षमा प्रधानमन्त्री प्रचण्डलाई १५७ सांसदले समर्थन गरेका हुन ।
विश्वासको मत लिन १३८ मत भए पुग्छ ।
प्रतिनिधिसभामा उपस्थित २६८ सांसदहरु मध्येबाट उक्त संख्यमा प्रधानमन्त्री प्रचण्डलाई समर्थन दिएका थिए भने प्रस्तावको विपक्षमा ११० मत परेको छ ।
प्रधानमन्त्री प्रचण्डले संविधानको धारा १०० को उपधारा (२) अनुसार विश्वासको मत लिएका हुन ।
यस अघि २०७९ पुस १० गते प्रधानमन्त्री नियुक्त भएका प्रचण्डले पुस २६ गते विश्वासका मत लिएका थिए । त्यतिबेला सदनमा उपस्थित २७० सांसदमध्ये २६८ जनाले उनलाई समर्थन गरेका थिए ।
२०७९ फागुन १५ गते एमाले सरकारबाट बाहिरिएर गठबन्धन फेरबदल भयो । चैत ६ गते प्रधानमन्त्री प्रचण्डले पुनः विश्वासको मत लिएका थिए ।
त्यतिबेला सदनमा २६२ सांसद उपस्थित भएका थिए। विश्वासको मतको प्रस्तावको पक्षमा १७२ र विपक्षमा ८९ मत परेको थियो ।
अहिले प्रनिधिसभामा नेपाली कांग्रेससँग ८८, राष्ट्रिय प्रजातन्त्र पार्टीसँग १४ सिट , जनमत पार्टी, ६ सिट र जनमत पार्टीसँग ४ सिट रहेको छ । यी दलहरुले प्रधानमन्त्रीलाई विश्वासको मत नदिने बताएका छन ।
Categorized in राष्ट्रिय