प्रधानमन्त्री प्रचण्डको गहमन्त्री रविलाई निर्देशन– दोषीलाई कार्वाही अघि बढाउनुहोस
काठमाडौं । प्रधानमन्त्री पुष्पकमल दाहाल ‘प्रचण्ड’लाई शुक्रवार गृहमन्त्री रावि लामिछानेले सुन तस्करी प्रतिवेदन बुझाएका छन ।
सुनको अबैध पैठारी (तस्करी) नियन्त्रणसम्बन्धी जाँचबुझ आयोगले तयार पारेको प्रतिवेदन प्रधानमन्त्री दाहाललाई उनले बुझाएका हुन ।
प्रधानमन्त्री दाहालले प्रतिवेदन बुझेलगत्तै सो प्रकरण दोषी ठहर गरेकालाई कारबाही गर्न उपप्रधानमन्त्री तथा लामिछानेलाई निर्देशन दिएको छ ।
गृहमन्त्री लामिछानेलाई आयोगले औंल्याएका विषयमा कारबाहीका सन्दर्भमा कसैको दबाब र प्रभावमा नपरी अघि बढ्न प्रधानमन्त्री प्रचण्डले निर्देशन दिएका हुन ।
सो सन्दर्भमा गृहमन्त्री लामिछानेले आफू आजैबाट एक्सनमा उत्रने बताएका छन ।
उनले उच्च अधिकारीहरुबाट लापरवाही भएको देखिएको औल्याउँदै कारवाहीको प्रक्रिया अघि बढाउने उल्लेख गरेका छन ।
तस्करीहरुलाई जोगाउने गरी फितलो अनुसन्धान गरिएको उनको भनाई छ ।
प्रधानमन्त्रीले आफू सरकारको नेतृत्वमा आएदेखि नै सुन तस्करदेखि बालुवाटार जग्गा प्रकरण र भुटानी शरणार्थी प्रकरणसम्मका दोषीहरूलाई कारबाहीको प्रक्रिया अगाडि बढाइएको बताउँदै सुशासनको पक्षमा आफू प्रतिबद्ध रहेको बताए ।
Categorized in राष्ट्रिय
