काठमाडौं । प्रधानमन्त्री पुुष्पकमल दाहालको अमेरिका र चीन भ्रमणमा ४ करोड ७४ लाख २ हजार खर्च गरेको छ ।
जम्बो टोली लिएर दुई साता लामो संयुक्त राष्ट्रसंघको ७८ औं महासभा र चीनको औपचारिक भ्रमणका गएका प्रधानमन्त्रीको प्रतिनिधिमण्डलको भ्रमण खर्चबापत ४ करोड ७४ लाख २ हजार रुपैयाँ भुक्तानी भएको छ । यो रकम अर्थले परराष्ट्र मन्त्रालयका नाममा निकासा दिएको हो ।
प्रधानमन्त्री दहाल ३० भदौमा अमेरिका प्रस्थान गरेका थिए भने उतैबाट उनी ५ असोजमा चीन पुगेका थिए ।
सो क्रममा उनी एसियन गेमको उद्घाटन कार्यक्रममा सहभागी भएका थिए । त्यसपछि उनले चीनका विभिन्न राज्यको भ्रमण गरी स्वदेश फर्किएका थिए ।
Categorized in राष्ट्रिय