काठमाडौं । प्रधानमन्त्री पुुष्पकमल दाहाल ‘प्रचण्ड’ र नेकपा एमाले अध्यक्ष केपी शर्मा ओलीविच भेटवार्ता भएका छन ।
मंगलबार दिउँसो सिंहदरबारमा प्रम दाहालले नयाँ कार्यालयमा एमाले अध्यक्ष ओलीलाई स्वागत गरेका थिए ।
दुुईविच भएको भेटवार्तामा समसामयिक राजनीतिक विषयमा कुराकानी भएको प्रधानमन्त्रीका प्रेस संयोजक सूर्यकिरण शर्माले जानकारी दिए ।
एमाले अध्यक्ष ओली मंगलरबार अपराह्न धनगढी जाँदैछन्। मंसिर १४ गते बैतडीको झुलाघाटबाट सुरू हुने पुष्पलाल मध्यपहाडी लोकमार्गकेन्द्रित अभियानका लागि ओली आजै धनगढी जान लागेका हुन ।
‘झुलाघाट–चिवाभञ्ज्याङः समृद्धिका लागि सङ्कल्प यात्रा’ नाम दिएको अभियान तीन साता चल्ने छ। तीन साता लामो अभियानका लागि काठमाडौं बाहिर रहने भएकाले पनि प्रधानमन्त्री र प्रमुख प्रतिपक्षी दलका नेताबीच छलफल भएको बताइएको छ ।
प्रधानमन्त्री प्रचण्ड ६ मंसिरमा सिंहदरबारमा पश्चिमतर्फ रेट्रो फिटिङ भएको भागमा बनाइएको कार्यकक्षमा सरेका थिए ।
२०७२ को भूकम्पले क्षतिग्रस्त भएको उक्त भवन रेट्रोफिटिङ हालै सकिएको थियो ।
Categorized in राष्ट्रिय