काठमाडौं । प्रस्तावित प्रधानन्यायाधीश दीपकराज जोशीलाई प्रधान्यायाधीशमा अनुमोदन नगर्ने निश्चितता बढेपछि हिजो नेकपाका सांसद निरु पाललाई ज्यान मार्ने धम्की आएको संचारमाध्यमहरुका खवर आएको छ ।
संसदीय सुनुवाई विशेष समितिका सदस्य निरु पाल मंगलबार साँझ दूध किन्न सडकमा निस्किएका बेला आफूलाई अज्ञात व्यक्तिले कञ्चटमा पेस्तोल राखेर धम्की दिएको बताएकी छिन् ।
सांसाद पाललाई अज्ञात व्यक्तिीले धम्की दिएको र आफ्नो मोबाइलसमेत खोसेर लगेको सांसद पालले बताएकी छन् । सो घट्नापछि प्रहरी प्रधान कार्यालयले सांसद पालको सुरक्षाका लागि पीएसओ खटाएको छ ।
उनीसहित सुनुवाइ समितिका ७ जनालाई सुरक्षा दिने निर्णय भएको केन्द्रीय प्रहरी प्रवक्ता वरिष्ठ उपरीक्षक (एसएसपी) शैलेश थापा क्षेत्रीले सञ्चारमाध्यमलाई जानकारी दिएका छन् ।
अज्ञात व्यक्तिबारे अहिलेसम्म प्रहरी प्रशासन अनभिज्ञ रहेको छ ।
Categorized in समाज
