काठमाडौं । प्रतिनिधिसभा बाट संक्रमणकालीन न्यायसम्बन्धी (टीआरसी) विधेयक बुधवार पारित भएको छ ।
दिउँसो १ बजे सञ्चालन भएको बैठकमा विधेयकमाथि दलीय आधारमा सांसदहरूले धारणा राखेपछि विधेयकलाई निर्णयार्थ प्रस्तुत गरिएको थियो ।
सभामुख देवराज घिमिरेले बेपत्ता पारिएका व्यक्तिको छानबिन, सत्य निरूपण तथा मेलमिलाप आयोग तेस्रो संशोधन विधेयक २०८१ बहुमतबाट पारित भएको घोषणा गरेका छन ।
विधेयकमा हालै दलहरूबीच सहमति जुटेर संसदको कानुन न्याय तथा मानव अधिकार समितिबाट सर्वसम्मत पारित भएपछि प्रतिनिधिसभाको बैठकमा पेश गरिएको थियो ।
सभाबाट पारित भएको यो विधेयक अब राष्ट्रिय सभामा पेस भई छलफल भइ पारित भएपछि फेरि प्रतिनिधि सभामा आउँछ र सभामुखले प्रमाणीकरणका लागि राष्ट्रपतिसमक्ष पठाउने व्यवस्था छ ।
सभामुखबाट प्रमाणिकारका लागि पठाएको विधेयक राष्ट्रपतिबाट अनुमोदन भएपछि यसले कानुनको रूप लिनेछ ।
सरकारले २५ फागुन २०७९ मा यो विधेयक प्रतिनिधिसभामा दर्ता गरेको थियो ।
नेपाल मजदुर किसान पार्टीका सांसद प्रेम सुवालबाहेक अरु सांसदले विधेयक पारितको पक्षमा मत दिए ।
बैठकको सुरुमा प्रधानमन्त्री तथा नेकपा एमाले अध्यक्ष केपी शर्माले बोलेका थिए ।
त्यसैगरी, नेपाली कांग्रेसका सभापति शेरबहादुर देउवा, नेकपा माओवादी अध्यक्ष पुुष्पकमल दाहाल ‘प्रचण्ड’, नेकपा एकिकृत समाजवादी अध्यक्ष माधव कुमार नेपाले टिआरसी विधेयकको बारेमा आफ्नो धारणा राखेका थिए ।
Categorized in राष्ट्रिय
