काठमाडौं । सामुदायिक सेवा तथा सामुदायिक प्रहरी सेवा केन्द्र, पुरानोबसपार्क बागबजारले प्रजातन्त्र दिवसको अवसरमा दिप प्रज्वलन गरेको छ ।
सोमवार साँझ एक कार्यक्रम गरी बागबजारको आकाशेपुल तल आइल्याण्डमा मैनबत्ती प्रज्वलन गरेर दिवसको अवसरमा शुुभकामना साटासाट गरेका थिए ।
७४ औं प्रजातन्त्र दिवसको अवसरमा अयोजित सो दिप प्रज्वलनमा सेवा केन्द्रका अध्यक्ष कमरुद्धिन मियाँ, उपाध्यक्ष सुरेन्द्र खड्गी, सरस्वती पन्त भट्टराई, सह–सचिव अजय खड्गी, कोषाध्यक्ष विना तण्डकुरको उपस्थिती रहेको थियो ।
त्यसैगरी, सदस्यहरु राधेश्याम तण्डुुकार, मोहम्मद मुन्ना, दिपा केसी, वरिष्ठ प्रहरी हवल्दार हर्कराज जोशी, प्रहरी जवान लक्ष्मण खड्का, रन्जना माझी लगायतको सहभागिता रहेका थियो ।
Categorized in समाज