प्रचण्डलाई दिएको समर्थन कांग्रेसले फिर्ता लियो
प्रकाशित: मंगलवार, २२ फागुन २०८०, १९ः४० बजे
- महानगरखवर
काठमाडौं । नेपाली कांग्रेसले प्रधानमन्त्री पुष्पकमल दाहाल प्रचण्डलाई दिएको समर्थन फिर्ता लिएको छ ।
मंगलवार कांग्रेस सभापति शेरबहादुर देउवा निवासमा बसेको कार्यसम्पादन समितिको बैठकले प्रधानमन्त्री प्रचण्डलाई दिएको समर्थन फिर्ता लिने निर्णय गरेको हो ।
बैठकमा सहभागी उपसभापति धनराज गुरूङले प्रधानमन्त्री दाहाललाई दिएको समर्थन फिर्ता लिने निर्णय भएको जानकारी दिए ।
सोमवार नेकपा माओवादी केन्द्रका अध्यक्षसमेत रहेका प्रधानमन्त्री दाहालले कांग्रेससँगको सहकार्य तोडेर नयाँ समीकरण बनाएपछि कांग्रेसले सो निर्णय लिएका हुन ।
उपसभापति गुरूङले राजनीतिक चलखेल र प्रवृत्तिले गर्दा गठबन्धन परिवर्तन भएको सुनाए ।
Categorized in राष्ट्रिय
