काठमाडौं । अज्ञात समूहले पोखरा महानगरपालीकाको गाडीमा शनिवार विहान आगजनी गरेको छ ।
प्रहरीका अनुसार महानगरपालिका वडा नं. ७ मासबारमा गुडिरहेको गाडीमा आगो लगाईदिएको हो ।
महानगरपालिका शिक्षा विभागको बा १ झ ५८७९ नम्बरको सरकारी गाडीमा सो समूहले आगो लगाई भागेको प्रहरीले जनाएको छ । आगलागीबाट गाडी पूर्णरूपमा क्षति भएको छ ।
स्कुटरमा आएका दुई जनाले सो गाडीमा आगो लगाउँदै शनिवार पनि सरकारी गाडी चलाउने भनेको र पेट्रोल छर्केर आगो लगाई भागेको प्रहरीको भनाई छ ।
आगो लगाउने दुई जनालाई प्रहरीले खोजीकार्य तिव्र बनाएको छ ।
Categorized in समाज
