काठमाडौं । शनिवार पेट्रोल व्यवसायी र नेपाल आयाल निगमविच चार बुँदे सहमति भएको छ ।
माग सम्बोधन गरिने सहमति भएपछि पेट्रोलियम पदार्थ ढुवानी ठप्प पार्ने गरी गरेको सबै आन्दोलन व्यवसायीले स्थगित गरेका हुन ।
व्यवसायीले राखेका मागमध्ये पेट्रोलियम बिक्रेता कमिसनसम्बन्धी र एलपी ग्यासको ढुवानी भाडा समायोजनसम्बन्धी मागबारे सात दिनभित्र ठोस निष्कर्ष निकालिने सहमति भएको छ ।
त्यसैगरी अन्य मागका बारेमा १५ जेठसम्ममा पूरा गर्ने गरी काम गर्ने सहमति भएको छ । नेपाल पेट्रोलियम डिलर्स राष्ट्रिय एशोसिएसन, नेपाल एलपी ग्याँस उद्योग संघ र नेपाल पेट्रोलियम पदार्थ ढुवानी व्यवसायी महासंघले सबै विरोधका कार्यक्रम फिर्ता लिएका छन
ढुवानी व्यवसायीको आन्दोलनका कारण पेट्रोलियम पदार्थको अभाव हुन सक्ने भन्दै शुक्रबार र शनिबार काठमाडौंका पेट्रोल पम्पहरुमा उपभोक्ताको लामो लाइन लागेको थियो ।
Categorized in बजार