काठमाडौं । नेपाल आयल निगमले पेट्रोल, डिजेल तथा मट्टितेलको मूल्य घटाएको छ ।
बुधवार राती १२ बजेपछि लागु हुने गरी पेट्रोलको मूल्य प्रतिलिटर ७ रुपैयाँ र डिजेल र मट्टितेलको मूल्य प्रतिलिटर ५ रुपैयाँले घटाएको निगमले जनाएको छ ।
हाल पेट्रोलको अधिकतम मूल्य १७८ रुपैयाँ प्रतिलिटर रहेकामा अब नयाँ मूल्य १७१ रुपैयाँमा झरेको छ ।
डिजेल र मट्टितेलको मूल्य अधिकतम १५९ रुपैयाँ रहेकोमा त्यो १५४ रुपैयाँमा झरेको छ ।
आलय निगमका अनुसार पहिलो वर्गमा पर्ने चारआली, विराटनगर, विरगंज, अमलेखगञ्ज, भलवारी, नेपालगञ्ज, धनगढी र विरगञ्जमा रु पेट्रोल प्रतिलिटर १६८, डिजेल र मट्टितेल १५१ रुपियाँ कायम भएको छ ।
त्यसैगरी दोस्रो वर्गमा पर्ने सुर्खेत र दाङमा पेट्रोल प्रतिलिटर १७० रुपियाँ र डिजेल र मट्टितेल १५३ रुपियाँ पर्ने भएको छ ।
तेस्रो वर्गमा पर्ने काठमाडौ, पोखरा र दिपायलमा पेट्रोल प्रतिलिटर १७१ रुपियाँ र डिजेल र मट्टितेल रु १५४ रुपिया कायम भएको छ ।
Categorized in बजार
