काठमाडौं । नेपाल आयल निगमले पेट्रोल र डिजेलको मूल्यमा प्रति लिटर २ रुपियाँ बृद्धि गरेको छ ।
आईतवार रातीदेखिनै लागु हुने गरी पेट्रोलको मूल्य १२० र डिजेल÷मट्टितेलको १०३ रुपियाँ कायम भएको छ ।
गत चैत ३ गते मात्र निगमले मूल्य बढाएको थियो । इन्डियन आयल कर्पोरेसनबाट १ अप्रिल २०२१ मा प्राप्त मूल्यअनुसार निगमले मूल्य समायोजन गरेको हो ।
खाना पकाउने ग्याँस तथा हवाई इन्धनको बिक्री मूल्यमा भने बृद्धि गरएको छैन ।
निगम अझै घाटामा
मूल्य समायोजनपछि पनि निगमलाई पेट्रोलमा प्रतिलिटर ७.३९ रुपैयाँ, डिजलमा प्रति लिटर १.९४ रुपैयाँ रहेको निगमले जनाएको छ । ग्याँसमा प्रतिसिलिन्डर ४१८.४७ रुपैयाँ घाटा रहेको निगमले जनाएको छ ।
१५ दिनमा निगमलाई ८८ करोड घाटा हुने र ग्याँसमा मात्रै पाक्षिक रुपमा ६०.१३ करोड घाटा रहेको निगमले बताएको छ ।
Categorized in बजार