काठमाडौं । नेपाल पेट्रोलियम डिलर्स राष्ट्रिय एशोसिएसनको अध्यक्ष पदमा लिलेन्द्र प्रसाद प्रधान विजयी भएका छन ।
अध्यक्ष प्रधान तेस्रो पटक बिजय भएका हुन । एशोसिएसनको वरिष्ठ उपाध्यक्षमा सुनिल कुमार गुरुङ, प्रथम उपाध्यक्षमा ई.विनोद कुमार चौरसिया र द्वितीय उपाध्यक्षमा सुनिल कुमार बिड्ला निर्विरोध निर्वाचित भएका छन ।
यसैगरी महासचिवमा विश्व प्रसाद अर्याल, कोषाध्यक्षमा चतुर्भुज सरिया, सचिवमा हिमाल गैरे र सहसचिवमा श्याम बुढाथोकी विजयी भएका छन ।
अध्यक्षको लागि प्रधान र नवीन श्रेष्ठ प्यानलसहित चुनावमा उत्रिएका थिए । प्रधान ३०२ मतसहित विजयी हुँदा श्रेष्ठले ४३ मत मात्रै पाए ।
एशोसिएसनको ४२ साधारणसभा तथा राष्ट्रिय अधिवेशनबाट प्रधान प्यानल निर्वाचित भएको हो ।
Categorized in बजार