काठमाडौं । सरकारको प्राथमिकतामा रहेको भारतको मोतिहारीदेखि बाराको अमलेखगञ्जसम्म पेट्रोलियम पाइपलाइनको परिक्षण गरएको छ । जमीनमुनि ओछ्याउने काम सकिएपछि पाईपलाईनमा पानी हालेर परिक्षण गरिएको थियो । परिक्षण सफल भएकोले संभवत असारमसान्तबाट सञ्चालनमा आउने अधिकारीहरुले बताएका छन ।
परीक्षणको क्रममा नेपाल आयल निगम र इण्डियन आयल कर्पोरेशनका प्राविधिकको संयुक्त टोलीले भारतको मोतिहारीबाट सो पाइपलाइनमा पानी पठाएर गरेको परीक्षण सफल भएको थियो ।
नेपालको लाइफ लाइनको रुपमा रहेको भारतको मोतिहारीदेखि अमलेखगञ्जसम्म ७०.२ किलोमिटर लम्बाइको सो पाइप लाइन बिछ्याउने काम पूर्णरुपमा सम्पन्न भएको छ ।
यो दक्षिण एशियाको पहिलो क्रसबोर्डर पेट्रोलियम पाइपलाइन हो । पहिलो खेपमा भारत विहारको राजधानी पटनाबाट मोतिहारी रक्सौल हुँदै अमलेखगञ्जसम्म डिजल ल्याउने पेट्रोलियम पाइपलाइन विस्तार आयोजना सिमराका इञ्जिनियर शरद पौडेलले जानकारी दिए ।
Categorized in राष्ट्रिय
