काठमाडौं । प्रतिनिधिसभा सदस्यहरुको पुस ७ गते सपथ ग्रहण कार्यक्रम रहेको संघीय सचिवालयले जनाएको छ ।
सचिवालयले सोमवार एक सुचना जारी गरी पुस ७ गते दिउँसो १ बजे बानेश्वर स्थित संसद भवनमा सपथ लिने कार्यक्रम रहेको सुचना प्रकाशित गरेको हो ।
सांसदहरुले प्रतिनिधिसभाका ज्येष्ठ सदस्यबाट शपथ लिनेछन । त्यसअघि ज्येष्ठ सदस्यले राष्ट्रपतिबाट शपथ लिनेछन ।
सपथ ग्रहणको लागि निर्वाचन आयोगबाट जारी प्रमाणपत्र, २ प्रति हालसालै खिचेको फोटो, राष्ट्रिय पोशाक वा आफ्नो जातिय पहिचानको पोशाक लगाएर २ घण्टा अघि नै संसद भवन प्रवेश गर्नु पर्ने जारी सुचनामा उल्लेख छ ।
शपथ लिएपछि सांसदहरुले सांसद भएवापत प्राप्त गर्ने सेवा सुविधा पाउनेछन । प्रतिनिधिसभामा २७५ जना सांसद रहेका छन ।
Categorized in राष्ट्रिय
