काठमाडौँ । विदाका दिन शनिवार पास विना सरकारी गाडी चलाउने २९ चालकलाई ट्राफिक प्रहरीले कार्वाही गरेको छ ।
सार्वजनिक बिदाको दिन विनापास सरकारी तथा संस्थानका सवारी साधन चलाउनेलाई महानगरीय ट्राफिक प्रहरी महाशाखाले कार्वाही गरेको हो ।
महाशाखाका प्रमुख एवं प्रहरी वरिष्ठ उपरीक्षक वसन्त पन्तले सार्वजनिक बिदाको दिन पास नलिई सवारी चलाउने चालकलाई कारबाही गरेको बताए ।
यस अघि पनि महाशाखाले फागुन २४ गते पनि १७ सरकारी तथा संस्थानको सवारी साधनलाई नियन्त्रणमा लिएर कारबाही गरेको थियो ।
महाशाखाले सार्वजनिक बिदाका दिनमा सरकारी तथा संस्थानका सवारी साधनलाई पास लिएर चलाउन आग्रहसमेत गरेको छ ।
Categorized in समाज
