काठमाडौं । न्यूरोड क्षेत्रको पार्किङ निषेधको विरोधमा काठमाडौं–२२ वडामा तालाबन्दी गरिएको छ ।
आइतवार वडा अध्यक्ष चिनिकाजी महर्जनले पार्किङ निषेधको विरोधमा मतदाताहरुले तालाबन्दी गरेको बताएका छन ।
‘सो निर्णयको बिरोधमा आज आफ्नै मतदाताहरुले तालाबन्दी गर्दा मुकदर्शक हुन बाध्य भए ।’ भनेर आफ्नो फेसबुकमा लेखेका छन ।
अध्यक्ष महर्जनले स्थानीय जनप्रतिनिधिहरुको छलफल र सुझाव बेगर काठमाडौ महानगरपालिकाको पार्किङ निषेध निर्णयको कारण सो घट्ना हुन पुुगेको उल्लेख गरेका छन ।
महानगरले माघ ९ गते मंगलवार न्यूरोड क्षेत्र धर्मपथ, खिचापोखरी, महाबौद्ध, न्यूरोड विशाल बजार क्षेत्रको पार्किङ निषेध गरेको छ ।
स्थानीय वडा अध्यक्ष, व्यपारी तथा सरोकारवालाहरुसँग कुनै छलफल विनानै महानगरले पार्किङ निषेध गरेपछि व्यवासायीहरु आन्दोलनमा छन ।
Categorized in स्थानिय