काठमाडौं । पानीको बहाव बढेपछि कोशी ब्यारेजको ५६ वटै ढाको खोलिएको छ ।
ब्यारेज प्रहरी चौकी कार्यालयका प्रमुख ईश्वर दाहालका अनुसार लगातारको वर्षाले सप्तकोशी नदीमा पानीको बहाव बढ्दै गएकाले सबै ढोका खोलिएको हो ।
ब्यारेजमा २४ सै घण्टा प्राविधिकसहितका कर्मचारी तैनाथ रहेको र पानीको बाहावलाई नियालिरहेको सहायक प्रहरी निरीक्षक दाहालले बताए ।
९ लाख क्यूसेक पानी बहने क्षमता रहेको ब्यारेजमा अहिले दुई लाख ९० हजार क्यूसेक पानी बगिरहेको छ । शनिबार तीन लाख १८ हजार ६५० क्यूसेक पानी बगिरहेको थियो ।
दश बर्ष अघि ब्यारेजदेखि माथि सिरान पश्चिम कुशहामा बाँध फुट्दा ठुलो विपत्ती आएको थियो भने कयौं महिना पूर्व–पश्चिम राजमार्ग अवरुद्ध भएको थियो ।
प्रहरीका अनुसार पुलको बिम छुन लाग्ने अवस्थामा पुलको ढोका खोल्ने गरेको बताएका छन ।
Categorized in राष्ट्रिय
