काठमाडौं । ताप्लेजुङको प्रसिद्ध धार्मिक तीर्थस्थल पाथीभरा मन्दिरमा चार महीनामा करिव रु ५० लाख सङ्कलन भएको पाथीभरा भेटीघाटी व्यवस्थापन समितिले जनाएको छ ।
गत साउनदेखि कात्तिक मसान्तसम्म तीर्थयात्रीले चढाएको रकम गणनामा रु ४९ लाख ६५ हजार ६५०सङ्कलन भएको समितिका सदस्यसचिव उदय भट्टराईले बताए ।
भेटीघाटीमा भारतीय रुपैया र सुनचाँदीलगायत गरहना बाहेको सो रकम भएको सचिब भट्टराईले जानकारी दिए ।
मन्दिरमा चढाएको भेटी त्यहाँ कार्यरत कर्मचारीले सङ्कलन गरी स्थानीय अस्थायी प्रहरी चौकीमा ल्याएर राख्ने गरिएको छ ।
वार्षिक स्वदेशी तथा विदेशी गरी रु दुई लाखभन्दा बढी तीर्थयात्री पाथीभरा मन्दिरमा आउने गरेका र वार्षिक करोडौँ रुपैयाँ बराबरको भेटिघाटी सङ्कलन हुँदै आएको समितिले जनाएको छ ।
Categorized in बजार
