काठमाडौं । ललिपुरको पाटनमा हरेक ५ बर्षमा एक पटक मनाईने सम्यक महादान मनाईएको छ ।
बुधवार बेलुकादेखि सुरु भएको सम्यक महादान पर्व ललिपुर, भक्तपुर, काठमाडौबाट सहभागी भएका बुद्धधर्मालम्बीहरुले धुमधामसँग मनाएका छन ।
एकसाथ १ सय २६ बुद्धहरु एक ठाउँमा राखेर देखाईने यस पर्व उपत्यकावासीको लागि विशेष हुने गर्दछ । उपत्यकाका विभिन्न शहरबाट पाटन दरवार परिसर आइपुगेका बुद्धका अवतार लाइन लगाएर नाग वहालमा देखाईन्छ ।
सो अवसरमा दिपांकर बुद्ध, बसुन्धारा, आर्य तारालगायत बुद्धका मूर्तिसँगै राखेर दिनभर पूजा तथा दान लेन देन गरि सम्यक महादान पर्व मनाइन्छ ।
पर्वमा नेवार–बौद्ध परम्परा अनुसार शाक्य तथा बज्राचार्य भिक्षुहरु, विशेषगरी दिपंकर बुद्ध, आवलोकितेश्वर , बसुन्धरा, आर्यतारा लगायत दान दिईन्छ ।
सम्यक महादान पाटनमा ५ वर्षमा एक पटक, काठमाडौंमा १२ वर्षमा र भक्तपुरमा हरेक वर्ष मनाउने गरिन्छ । पाटनमा २ सय बर्षअघि हरेक वर्ष यो पर्व मनाइन्थ्यो भन्ने जनश्रृती छ ।
सम्यक महादान भन्नाले शुद्ध मनले निःस्वार्थ दान गर्ने एवं सम्यक सम्बोधितर्फ लैजाने बोधिसत्व मार्ग बुझिन्छ ।
सम्यक महादान नेवाः बुद्ध धर्मवाबलम्बीहरुले महान पर्वको रुपमा मनाउने गर्छन ।
तस्वीरः सुगतरत्न सिन्धुरकारको फेसबुकबाट
Categorized in सम्पदा/संस्कृति