काठमाडौं । सार्वजनिक सवारी साधानमा पाकेटमारी गर्ने ५ जना भारतीय महिलालाई प्रहरीले पक्राउ गरेको छ ।
महानगरीय प्रहरी वृत्त महाराजगञ्जले विहिवार बसुन्धराबाट नारायणगोपाल चोक जाँदै गरेको कान्तिपुर बसमा पाकेटमारी गर्नेहरुलाई पक्राउ गरेको हो । पक्राउ पर्नेमा भारत गोरखपुरका प्रिति चमार, नितु चमार, पुजा चमार, पिङ्की चमार र सोनी चमार रहेका छन ।
वृत्तका प्रमुख एवं प्रहरी नायव उपरीक्षक फणिन्द्र प्रसाईका अनुसार वसमा सवार सुस्मिता कँुवरको रु ५२ हजार पाकेटरमारी गरेर बसबाट ओर्लर्न लाग्दा पक्राउ गरीएको हो ।
पक्राउ परेकालाई चोरी तथा डाँकासम्बन्धी कसुर मुद्दामा मुद्दा दर्ता गरी कारवाही अघि बढाइने वृत्तले जनाएको छ ।
Categorized in समाज
