काठमाडौं । काठमाडौं महानगरपालिकाले वडाबाटै राष्ट्रिय परिचय पत्र वितरण गर्ने प्रक्रियाको सुरुवात गरेको छ ।
पहिलो चरणमा काठमाडौं महानगरपालिका वडा २४, २५, २६, २७, २८, २९, ३०, ३१ र ३२ बाट परिचय पत्र वितरण गरिने महानगरपालिको बताएको छ ।
अहिलेसम्म महानगरको सबै वडाहरुबो राष्ट्रिय सभा गृहबाट विवरण संकलन हुने गरेको थियो । माघ १० गतेबाट वडाबाट परिचयपत्र दिने भनेपछि सो तयारी गरिएको हो ।
राष्टिय परिचयपत्र लिनको लागि नेपाली नागरिकताको प्रमाणपत्रको सक्कल प्रति, नागरिकताको प्रमाण पत्रमा जन्म मिति नखुलेको भए शैक्षिक योग्यताका प्रमाण पत्र, राहदानी वा यस्तै खालका मिति खुल्ने आधिकारिक प्रमाण चाहिन्छ ।
त्यसैगरी, नागरिकताको प्रमाणपत्रमा उल्लेखित भन्दा फरक स्थायी ठेगाना भएमा बसाइँ सराइ दर्ताको प्रमाणपत्र सक्कल प्रति लैजानुपर्छ ।
विवाहितको हकमा नागरिकताको प्रमाणपत्रमा पति वा पत्नीको नाम उल्लेख नभएमा वा फरक परेमा विवाह दर्ताको प्रमाण पत्रको सक्कल प्रति आवश्यक पर्छ ।
फाईल फोटो
Categorized in स्थानिय